2026-27 ബജറ്റിൽ, സ്ത്രീകളെ പുതിയ സംരംഭങ്ങൾ, വിദ്യാഭ്യാസം, ഉപജീവന സംരംഭങ്ങളുടെ കേന്ദ്രബിന്ദുവായി പ്രതിഷ്ഠിക്കുന്നു
ഗ്രാമീണ സ്ത്രീകളെ സ്വയം സഹായ സംഘങ്ങളിൽ നിന്ന് ബിസിനസുകൾ സ്വന്തമാക്കാൻ സഹായിക്കുകയാണ് ഷീ മാർട്ട്സ് ലക്ഷ്യമിടുന്നത്
സ്റ്റെം വിദ്യാഭ്യാസത്തിൽ സ്ത്രീകളെ പിന്തുണയ്ക്കാൻ എല്ലാ ജില്ലയിലും പെൺകുട്ടികളുടെ ഹോസ്റ്റൽ സർക്കാർ വാഗ്ദാനം ചെയ്തു
മത്സ്യബന്ധനം, ജലാശയങ്ങൾ, ഗ്രാമീണ അടിസ്ഥാന സൗകര്യ പദ്ധതികൾ എന്നിവ പ്രാദേശിക വളർച്ചയുമായി സ്ത്രീകളെ ബന്ധിപ്പിക്കാൻ ശ്രമിക്കുന്നു
പരിചരണ ജോലി പരോക്ഷമായി അംഗീകരിക്കപ്പെടുന്നു, പക്ഷേ ലിംഗപരമായ പ്രശ്നങ്ങൾ വലിയ തോതിൽ പരിഹരിക്കപ്പെടുന്നില്ല
2026 ഫെബ്രുവരി 1 ന് പാർലമെന്റിൽ അവതരിപ്പിച്ച, കേന്ദ്ര ധനമന്ത്രി നിർമ്മല സീതാരാമന്റെ 2026-27 ബജറ്റ്, നിരവധി പുതിയ സാമ്പത്തിക, സാമൂഹിക സംരംഭങ്ങളുടെ കേന്ദ്രബിന്ദുവായി, ചെറുകിട വായ്പ, ഗ്രാമീണ ഉപജീവനമാർഗങ്ങൾ, പെൺകുട്ടികളുടെ വിദ്യാഭ്യാസം എന്നിവയ്ക്കപ്പുറം വനിതാ സംരംഭകർക്ക് പിന്തുണയും വാഗ്ദാനം ചെയ്യുന്നു.
ഗ്രാമീണ മേഖലയിലെ സ്ത്രീകളുടെ നേതൃത്വത്തിലുള്ള സംരംഭങ്ങളെ ലക്ഷ്യമിട്ടുള്ള സ്വയം സഹായ സംരംഭക (എസ്എച്ച്ഇ) മാർട്ടുകൾ സൃഷ്ടിക്കുന്നതായിരുന്നു പ്രസംഗത്തിലെ ഒരു പ്രധാന പ്രഖ്യാപനം. ഈ മാർട്ടുകൾ, കമ്മ്യൂണിറ്റി ഉടമസ്ഥതയിലുള്ള റീട്ടെയിൽ ഔട്ട്ലെറ്റുകളായി പ്രവർത്തിക്കുകയും, സ്വയം സഹായ സംഘങ്ങളുടെ ക്ലസ്റ്റർ തല ഫെഡറേഷനുകളിൽ സ്ഥാപിക്കുകയും ചെയ്യും.
സ്വയം സഹായ സംഘങ്ങളിലെ സ്ത്രീകൾക്ക്, പ്രതിവർഷം ഒരു ലക്ഷം രൂപയെങ്കിലും സമ്പാദിക്കാൻ പ്രാപ്തമാക്കുന്ന സർക്കാരിന്റെ 'ലക്ഷാധിപതി ദീദി' പദ്ധതിയുടെ അടിസ്ഥാനത്തിലാണ് ഈ നിർദ്ദേശം.
വായ്പ നയിക്കുന്ന ഉപജീവനമാർഗം മുതൽ സംരംഭങ്ങൾ സ്വന്തമാക്കുന്നതും നടത്തുന്നതുവരെയുള്ള അടുത്ത ഘട്ടം സ്വീകരിക്കാൻ സ്ത്രീകളെ സഹായിക്കുന്നതിനാണ് പുതിയ പദ്ധതി ഉദ്ദേശിക്കുന്നതെന്ന് ധനമന്ത്രി പറഞ്ഞു.
ബജറ്റ് പ്രസംഗം അനുസരിച്ച്, വിശദമായ ധനസഹായ വിഹിതങ്ങൾ ഇതുവരെ പരസ്യമാക്കിയിട്ടില്ലെങ്കിലും "മെച്ചപ്പെടുത്തിയതും നൂതനവുമായ ധനസഹായ മാർഗ്ഗങ്ങളിലൂടെ" ഷീ മാർട്ട്സിനെ പിന്തുണയ്ക്കും.
സുരക്ഷയും, ദൂരവും, ശാസ്ത്ര സാങ്കേതിക രംഗത്ത് സ്ത്രീകൾക്ക് ഏറ്റവും വലിയ തടസ്സമായതിനാൽ, ഉന്നത വിദ്യാഭ്യാസത്തിനായി ഒരു സുപ്രധാന അടിസ്ഥാന സൗകര്യ പദ്ധതി ധനമന്ത്രി പ്രഖ്യാപിച്ചു.
സ്റ്റെം (സയൻസ്, ടെക്നോളജി, എഞ്ചിനീയറിംഗ്, മാത്തമാറ്റിക്സ്) മേഖലകളിലെ പെൺകുട്ടികളെ പിന്തുണയ്ക്കുന്നതിനായി രാജ്യത്തുടനീളമുള്ള എല്ലാ ജില്ലകളിലും ഒരു പെൺകുട്ടികളുടെ ഹോസ്റ്റൽ സർക്കാർ സ്ഥാപിക്കും. നൂതന ശാസ്ത്ര ഗവേഷണം നടത്തുന്നതിൽ നിന്ന് സ്ത്രീകളെ പലപ്പോഴും അകറ്റി നിർത്തുന്ന പ്രവണത നേരിടുന്നതിനാണ് ഈ സംരംഭം രൂപകൽപ്പന ചെയ്തിരിക്കുന്നത്.
ഉന്നത വിദ്യാഭ്യാസ സ്ഥാപനങ്ങളിൽ, പ്രത്യേകിച്ച് താമസ സൗകര്യങ്ങൾ പരിമിതമായ ജില്ലകളിൽ, സ്ത്രീകളുടെ പ്രവേശനം, സുരക്ഷ, നിലനിർത്തൽ എന്നിവ മെച്ചപ്പെടുത്തുക എന്ന ലക്ഷ്യത്തോടെ വയബിലിറ്റി ഗ്യാപ്പ് ഫണ്ടിംഗ് അല്ലെങ്കിൽ മൂലധന സഹായം വഴി ഹോസ്റ്റലുകളെ പിന്തുണയ്ക്കും.
ബജറ്റിന്റെ ഗ്രാമവികസന, പ്രകൃതിവിഭവ പദ്ധതികളിലും സ്ത്രീകൾ ഇടം നേടുന്നു. ജലാശയങ്ങളുമായി ബന്ധപ്പെട്ട ഉപജീവനമാർഗങ്ങൾക്ക് ഊന്നൽ നൽകി 500 ജലസംഭരണികളുടെയും, അമൃത് സരോവരങ്ങളുടെയും സംയോജിത വികസനത്തിനുള്ള സംരംഭങ്ങൾ ധനമന്ത്രി പ്രഖ്യാപിച്ചു. ഇതിന്റെ ഭാഗമായി, തീരപ്രദേശങ്ങളിലെ മത്സ്യബന്ധന മൂല്യ ശൃംഖല ശക്തിപ്പെടുത്തുമെന്നും മത്സ്യകർഷക ഉൽപാദക സംഘടനകൾക്കൊപ്പം സ്റ്റാർട്ടപ്പുകളും, സ്ത്രീകളുടെ നേതൃത്വത്തിലുള്ള ഗ്രൂപ്പുകളും ഉൾപ്പെടുന്ന വിപണി ബന്ധങ്ങൾ പ്രയോഗികമാക്കുമെന്നും അറിയിച്ചു.
2026 ജനുവരി 29 ന് പാർലമെന്റിൽ അവതരിപ്പിച്ച സാമ്പത്തിക സർവേ 2025-26 , നിരന്തരമായ ലിംഗ അസമത്വങ്ങൾ ചൂണ്ടിക്കാട്ടിയിരുന്നു, പ്രത്യേകിച്ച്, ശമ്പളമില്ലാത്തതും പരിചരണ പ്രവർത്തനങ്ങളും. സ്ത്രീകൾ പരിചരണത്തിന്റെയും ശമ്പളമില്ലാത്ത ഗാർഹിക ജോലിയുടെയും അധിക ചുമതല വഹിക്കുന്നു, തൊഴിൽ ശക്തിയിൽ സ്ത്രീകളുടെ മൊത്തത്തിലുള്ള പങ്കാളിത്തം കുറവാണ്, അവരുടെ വേതനം ആനുപാതികമായി കുറവാണ്.
ഫെബ്രുവരി 1 ന് ബജറ്റിൽ, വയോജന, അനുബന്ധ പരിചരണ സേവനങ്ങൾ ഉൾക്കൊള്ളുന്ന ശക്തമായ പരിചരണ ആവാസവ്യവസ്ഥ സൃഷ്ടിക്കുമെന്നും, വരും വർഷം 1.5 ലക്ഷം പരിചരണ ദാതാക്കൾക്ക് പരിശീലനം നൽകുമെന്നും പ്രഖ്യാപിച്ചിരുന്നു. എന്നിരുന്നാലും, പരിചരണത്തിന്റെ ലിംഗപരമായ പങ്ക് ബജറ്റിൽ ഉൾപ്പെടുത്തിയിട്ടില്ല.