ഡൽഹിയിലെ കുടിവെള്ളം - 55% സുരക്ഷിതമല്ല: സിഎജി ഓഡിറ്റ്

ഡൽഹി ജല ബോർഡ് വിതരണം ചെയ്യുന്ന കുടിവെള്ളത്തിന്റെ ഗുണനിലവാരവും സുരക്ഷയും സംബന്ധിച്ച് കൺട്രോളർ ആൻഡ് ഓഡിറ്റർ ജനറൽ (സിഎജി) അടുത്തിടെ നടത്തിയ ഓഡിറ്റിൽ ഗുരുതരമായ ആശങ്ക ഉളവാക്കിയിട്ടുണ്ട്. ജല പരിശോധന, നിരീക്ഷണം, അടിസ്ഥാന സൗകര്യങ്ങൾ എന്നിവയിലെ വ്യാപകമായ വീഴ്ചയിലേക്ക് റിപ്പോർട്ട് വിരൽ ചൂണ്ടുന്നു, ഇത് ദേശീയ തലസ്ഥാന നഗരിയിലെ ജനങ്ങളുടെ ആരോഗ്യത്തെ അപകടപ്പെടുത്തുന്നതായി റിപ്പോർട്ട് പറയുന്നു.

പരിശോധിച്ച ഭൂഗർഭജല സാമ്പിളുകളിൽ പകുതിയിലധികവും കുടിക്കാൻ യോഗ്യമല്ലെന്നും ശുദ്ധീകരിക്കാത്ത വെള്ളം വലിയ അളവിൽ വിതരണം ചെയ്തുവെന്നും വിഷവസ്തുക്കളുടെയും ഘനലോഹങ്ങളുടെയും നിർണായക പരിശോധനകൾ നടത്തിയിട്ടില്ലെന്നും ഓഡിറ്റ് വെളിപ്പെടുത്തുന്നു. ഇൻഡോറിലെ മരണങ്ങൾക്ക് കാരണമായ ജല പ്രതിസന്ധിക്കു പിന്നാലെ മലിനജലവുമായി ബന്ധപ്പെട്ട പരാതികൾ വർധിക്കുകയും പൊതുജന ആശങ്ക ഉയരുകയും ചെയ്യുന്ന സാഹചര്യത്തിലാണ് ഈ കണ്ടെത്തലുകൾ പുറത്തുവന്നിരിക്കുന്നത്.

കൂടുതൽ അറിയാൻ വീഡിയോ കാണുക.