ഐക്യരാഷ്ട്ര വികസന പദ്ധതിയും (UNDP) ഓക്സ്ഫോർഡ് സർവകലാശാലയും ചേർന്ന് പുറത്തുവിട്ട ആഗോള ബഹുതല ദാരിദ്ര്യ സൂചികയുടെ (MPI) ഏറ്റവും പുതിയ വിവരങ്ങൾ പ്രകാരം, 2025-ൽ 5.15 കോടി പേർ കൂടി ഈ ദരിദ്ര വിഭാഗത്തിലേക്ക് കൂട്ടിച്ചേർക്കപ്പെട്ടു.
ലോക ജനസംഖ്യയുടെ 78 ശതമാനത്തോളം വരുന്ന 108 രാജ്യങ്ങളെ ഉൾപ്പെടുത്തി, "വ്യക്തികളുടെ വരുമാനത്തിന് അപ്പുറമുള്ള" ദാരിദ്ര്യം അളക്കുന്നതിനായി 2010-ലാണ് ഈ സൂചിക നിലവിൽ വന്നത്.
ആരോഗ്യം, വിദ്യാഭ്യാസം, ജീവിത നിലവാരം എന്നിവയുമായി ബന്ധപ്പെട്ട പോഷകാഹാരം, ശിശുമരണനിരക്ക്, സ്കൂൾ വിദ്യാഭ്യാസം, കുടിവെള്ളം, ശുചിത്വ സൗകര്യങ്ങൾ എന്നിവ ഉൾപ്പെടെയുള്ള 10 സൂചകങ്ങളാണ് ഇതിനായി ഉപയോഗിക്കുന്നത്. ഈ സൂചകങ്ങളിൽ മൂന്നിലൊന്നോ അതിലധികമോ കാര്യങ്ങളിൽ സൗകര്യങ്ങൾ ലഭിക്കാത്തവരെയാണ് ബഹുതല ദരിദ്രരായി കണക്കാക്കുന്നത്.
ദാരിദ്ര്യത്തിന്റെ ഈ അളവുകോൽ സ്വീകരിച്ചതിനുശേഷം ആദ്യമായാണ് കൂടുതൽ ആളുകൾ ഈ പട്ടികയിലേക്ക് പുതുതായി കൂട്ടിച്ചേർക്കപ്പെടുന്നത്. 2025-ൽ ലോകത്ത് 120 കോടി ബഹുതല ദരിദ്രരാണ് ഉണ്ടായിരുന്നത്; ഇതിൽ രണ്ടിലൊരാൾ കുട്ടിയും 80 ശതമാനത്തിലേറെപ്പേർ ഗ്രാമപ്രദേശങ്ങളിൽ ജീവിക്കുന്നവരുമായിരുന്നു.
ബഹുതല ദരിദ്രരുടെ എണ്ണത്തിലുണ്ടാകുന്ന വർധനവ് ഏറെ ആശങ്കാജനകമാണ്; സമഗ്രമായ മാനവിക വികസനത്തിന് അത്യന്താപേക്ഷിതമായ അടിസ്ഥാന സൗകര്യങ്ങളുടെ അഭാവത്തെയാണ് ഇത് ചൂണ്ടിക്കാണിക്കുന്നത്. ഈ അളവുകോലിൽ ഉപയോഗിച്ചിരിക്കുന്ന എല്ലാ സൂചകങ്ങളും പരസ്പരം ബന്ധപ്പെട്ടിരിക്കുന്നവയാണ്; ഒന്നിലുണ്ടാകുന്ന വീഴ്ച മറ്റ് സൂചകങ്ങൾ കൂടിയേക്കാവുന്ന ഒരു തുടർചങ്ങലയ്ക്ക് (cascade) വഴിവെച്ചേക്കാം.
"ദാരിദ്ര്യത്തിലുണ്ടാകുന്ന ഈ വർധനവ് ലോകത്തിനുള്ള ഒരു മുന്നറിയിപ്പായിരിക്കണം," എന്ന് യുഎൻ ഡിവിഷണൽ പ്രോഗ്രാം (UNDP) അഡ്മിനിസ്ട്രേറ്റർ അലക്സാണ്ടർ ഡി ക്രൂ (Alexander De Croo) പറഞ്ഞു. "ഈ കണക്കുകൾക്ക് പിന്നിൽ വിശപ്പ്, മുടങ്ങിപ്പോയ വിദ്യാഭ്യാസം, കുടിവെള്ളത്തിന്റെയോ വൈദ്യുതിയുടേയോ അഭാവം എന്നിങ്ങനെ പരസ്പരം കൂടുതൽ വഷളാക്കുന്ന ദുരിതങ്ങൾ നേരിടുന്ന 120 കോടി മനുഷ്യരുണ്ട്. ഇത് ഒരുവിധത്തിലും അംഗീകരിക്കാനാവാത്തതാണ്."
ഏറ്റവും പുതിയ വിവരങ്ങൾ ഒരു തിരിച്ചടിയാണെങ്കിലും, കഴിഞ്ഞ 15 വർഷത്തിനിടെ പല രാജ്യങ്ങളും ബഹുതല ദാരിദ്ര്യം വിജയകരമായി കുറച്ചിട്ടുണ്ട്. സബ് സഹാറൻ ആഫ്രിക്കയിലെ ആറ് രാജ്യങ്ങൾ ഉൾപ്പെടെ 33 രാജ്യങ്ങൾ 15 വർഷത്തിൽ താഴെ സമയം കൊണ്ട് ഈ ദാരിദ്ര്യ നിരക്ക് കുറച്ചുകൊണ്ടു വന്നു. അതേസമയം, ലോകത്ത് ഏറ്റവും ഉയർന്ന ബഹുതല ദാരിദ്ര്യ നിരക്കുള്ളത് സബ് സഹാറൻ ആഫ്രിക്കയിലാണ്.
ലോകത്ത് ഏറ്റവും വേഗത്തിൽ ദാരിദ്ര്യം കുറച്ചത് ചൈനയാണ് - 2010-ൽ 9.5 ശതമാനമായിരുന്നത് 2014-ഓടെ 4.2 ശതമാനമായി കുറയ്ക്കാൻ ചൈനയ്ക്ക് സാധിച്ചു.
ഇന്ത്യ അതിന്റെ ബഹുമുഖ ദാരിദ്ര്യ നിലവാരം ഗണ്യമായി കുറച്ചിട്ടുണ്ട്, ഇത് നിലവിലെ സർക്കാർ അതിന്റെ പ്രധാന നേട്ടങ്ങളിലൊന്നായി ആഘോഷിക്കുന്നു.
2005-2006-ൽ ഇന്ത്യയുടെ ബഹുമുഖ ദാരിദ്ര്യ സംഭവങ്ങൾ 55.1 ശതമാനമായിരുന്നു, ഇത് 2019-2021ൽ 16.4 ശതമാനമായി കുറഞ്ഞു.
യുഎൻഡിപിയും ഓക്സ്ഫോർഡ് സർവകലാശാലയും പറയുന്നതനുസരിച്ച്, ബഹുമുഖ ദരിദ്ര ജനസംഖ്യയുടെ ഈ വർദ്ധനവിന്റെ പ്രധാന കാരണം ജനസംഖ്യയിലെ വർദ്ധനവാണ്. മറ്റൊരു വിധത്തിൽ പറഞ്ഞാൽ, ബഹുമുഖ ദാരിദ്ര്യം തുടച്ചുനീക്കപ്പെടുന്നുണ്ടെങ്കിലും, അതിന്റെ നിരക്ക് ജനസംഖ്യാ വളർച്ചയെ മറികടക്കുന്നില്ല.
"ഇത് രണ്ട് കാര്യങ്ങളുടെ തുക (കൂട്ടിച്ചേർക്കൽ) ആണ്. ഇതിൽ ആദ്യത്തേത്, പുതിയ ഡാറ്റ ഉൾപ്പെടുത്തിയിട്ടില്ലാത്ത 95 രാജ്യങ്ങളിലുണ്ടായ 1.58 കോടി (15.8 മില്യൺ) ആളുകളുടെ യഥാർത്ഥ ജനസംഖ്യാ വർധനവാണ്. ദാരിദ്ര്യ നിരക്കിൽ മാറ്റമില്ല എന്ന് കരുതുകയാണെങ്കിൽ പോലും, 2023-ൽ നിന്ന് 2024-ലേക്ക് ജനസംഖ്യാ കണക്കുകൾ മാറ്റിയതുകൊണ്ടു മാത്രം ഈ 95 രാജ്യങ്ങളിലായി 1.58 കോടി ദരിദ്രർ അധികമായി കൂട്ടിച്ചേർക്കപ്പെട്ടു," എന്ന് സൂചികയുടെ കുറിപ്പിൽ വിശദീകരിക്കുന്നു.
(പരിഭാഷ, എഡിറ്റിംഗ്: സുരേന്ദ്രൻ കണ്ണൂർ)