പെട്രോളിന് വിട? ഇലക്ട്രിക് വാഹനങ്ങളിലേക്ക് ജനം മാറുന്നത് എന്തുകൊണ്ട്?

ആഗോള ഇലക്ട്രിക് വാഹന (EV) വിപണി ഇതിനകം തന്നെ വേഗത്തിൽ വളരുകയായിരുന്നു. എന്നാൽ 2026-ലെ പടിഞ്ഞാറൻ ഏഷ്യൻ സംഘർഷം (West Asia conflict) ഇവി മാറ്റത്തിന് പുതിയൊരു കാരണം കൂടി നൽകിയിരിക്കുന്നു: ഇന്ധനവില. എണ്ണ വിതരണം തടസ്സപ്പെടുകയും പെട്രോളിനും ഡീസലിനും വില കൂടുകയും ചെയ്തതോടെ, ഇലക്ട്രിക് കാറുകൾ ഉപയോഗിക്കുന്നതിന്റെ സാമ്പത്തിക മാനങ്ങൾ തന്നെ മാറിമറിഞ്ഞു. 2026-ന്റെ രണ്ടാം പാദത്തിൽ ആഗോള ഇവി വിൽപ്പന വീണ്ടും കുതിച്ചുയരുകയും 50 രാജ്യങ്ങളിൽ വിൽപ്പന സർവ്വകാല റെക്കോർഡിലെത്തുകയും ചെയ്തു.

ഇന്ത്യയിലും സമാനമായ ഒരു മാറ്റമാണ് ദൃശ്യമാകുന്നത്. 2026-ന്റെ ആദ്യ പകുതിയിൽ ഇന്ത്യയിലെ ഇവി റീട്ടെയിൽ വിൽപ്പന 1,48,000 യൂണിറ്റുകൾ കടന്നു - ഇത് മുൻ വർഷത്തേക്കാൾ 79 ശതമാനം വർദ്ധനവാണ്. മാത്രമല്ല, ജൂലൈ മാസത്തിൽ വിറ്റഴിക്കപ്പെട്ട ആകെ പാസഞ്ചർ വാഹനങ്ങളിൽ ഏകദേശം 8 ശതമാനവും ഇലക്ട്രിക് വാഹനങ്ങളായിരുന്നു.

അപ്പോൾ, ഇന്ധനവിലയിലുണ്ടാകുന്ന പെട്ടെന്നുള്ള വർദ്ധനവ് (Oil shock) ഇലക്ട്രിക് കാറുകളിലേക്കുള്ള ലോകത്തിന്റെ മാറ്റത്തെ വേഗത്തിലാക്കുമോ? ഇന്ധനവില ഉയരുന്നത് ഇലക്ട്രിക് വാഹനങ്ങളെ കൂടുതൽ ആകർഷകമാക്കുന്നത് എന്തുകൊണ്ട്—അവ പരിസ്ഥിതി സൗഹൃദമായതുകൊണ്ട് മാത്രമല്ല, ഓടിക്കാൻ ചെലവ് കുറവായതുകൊണ്ട് കൂടിയാണോ?

ആഗോള ഇവി വിപണി, ഇന്ത്യയിലെ ഇലക്ട്രിക് കാറുകളുടെ വളർച്ച, ഇന്ധനവില, കൂടാതെ ഭൗമരാഷ്ട്രീയ അസ്ഥിരതകൾ വാഹന ഉപയോഗത്തിന്റെ സാമ്പത്തിക വശങ്ങളെ എങ്ങനെ മാറ്റുന്നു എന്ന കാര്യങ്ങളാണ് ഈ വീഡിയോ പരിശോധിക്കുന്നത്.

(പരിഭാഷ, എഡിറ്റിംഗ്: സുരേന്ദ്രൻ കണ്ണൂർ)